-
O Compos caeu no Barco no inicio da segunda volta
Santiago de Compostela, 26 de xaneiro de 2026
Tras 17 xornadas invictos, o Compos sufriu a primeira derrota da tempada. Os nosos caeron por 2-0 na súa visita ao Barco, no que era o inicio da segunda volta do campionato.
O partido estivo marcado por dúas accións a balón parado, unha en cada parte e ambas rematadas por Rabil á rede. O Compos tentou reaccionar, pero por primeira vez na campaña quedou sen poder marcar.
A pesar da derrota, o Compos segue como sólido líder, con sete puntos de vantaxe sobre o segundo clasificado. O vindeiro domingo tocará recuperar sensacións e volver á senda do triunfo na casa contra o Boiro.
FICHA TÉCNICA
2 – CD BARCO: Imanol, Raúl Paz, Andrés Calvo, Rabil, Brian Castro (Wacho, min.71), Manu Rodríguez (Óscar Martín, min.82), Juanma Justo (Carlos Cruz, min.78), Noel, Brian Danzarín, Santín (Sidibé, min.71) e Freiría.
0 – SD COMPOSTELA: Álex Cobo; Valín (Rosón, min.59), Quico (Diego Rodríguez, min.59), Pablo Crespo, Damián Noya; Diego Uzal, Samu (Cañi, min.59); Parapar (Charly, min.59), Antón Guisande (Goris, min.75), Adrián Armental; e Maceira.
GOLES: 1-0: Rabil, min.37; 2-0: Rabil, min.57.
ÁRBITRO: Iván Abel (Lugo). Amarelas a Manu Rodríguez, Brian Danzarín e Sidibé, polo Barco.
INCIDENCIAS: Campo de Calabagueiros (O Barco de Valdeorras). Jornada 18 de lGrupo 1 da Terceira RFEF.
