-
Os nosos empataron 2-2 contra o Boiro tras un gol dos visitantes no último minuto
Santiago de Compostela, 1 de febreiro de 2026
A SD Compostela rozou a vitoria na casa, pero cedeu dous puntos no último minuto. Un gol de Yago Insua, na última xogada do partido, privou aos nosos de volver á senda da vitoria. 2-2 final para un Compos que segue como sólido líder.
O partido comezou da mellor maneira para o Compos, que marcou no primeiro minuto, cun gran disparo cruzado de Antón Guisande. Puido ampliar a vantaxe con disparos de Goris e Parapar, pero os que marcaron foron os visitantes, cunha falta de Mario Prol que se coou na rede. Con ese 1-1 chegouse ao intermedio.
Baixo unha intensa choiva continuou unha segunda metade moi igualada, na que os nosos volveron pegar primeiro. Un gran centro de Armental ao segundo pau remachouno Parapar á rede para pór o 2-1 no luminoso. Coa vantaxe no marcador, debutou Unai coa camiseta do Compos e parecía que este sería el resultado final, pero o Boiro igualou na última acción, cun bo tiro de Yago Insua.
Co 2-2 chegouse ao final, un empate que mantén ao Compos líder, con seis puntos de vantaxe sobre o segundo clasificado. A próxima semana, os nosos tentarán volver á senda da vitoria, tras dúas semanas sen gañar, na súa visita ao Cambados.
FICHA TÉCNICA
2 – SD COMPOSTELA: Álex Cobo; Valín (Diego Rodríguez, min.69), Pablo Crespo, Damián Noya; Diego Uzal, Rosón (Unai, min.69), Goris (J. Cañizares, min.76); Parapar (Aarón Martínez, min.87), Antón Guisande, Armental (Samu, min.76); e Maceira.
2 – CD BOIRO: Borja Rey; Zambrana, Ozores (Yago Insua, min.71), Aram, Iago Martínez, Facu Moreyra; Romero (Bruno, min.80), Diego Enjamio, Mario Prol (Juanma, min.80); Víctor Casais (Yago García, min.71) e Landeira (Adri Castro, min.61).
GOLES: 1-0: Antón Guisande, min.1; 1-1: Mario Prol, min.36; 2-1: Parapar, min.58; 2-2: Yago Insua, min.90+4.
ÁRBITRO: Yago Iñarrea (Pontevedra). Amoestou a Pablo Crespo, Damián Noya, Valín e Parapar, polo Compos; e a Ozores e Tizón (banco), polo Boiro.
INCIDENCIAS: Estadio Vero Boquete de San Lázaro (Santiago de Compostela). Xornada 19 de Liga do Grupo 1 da Terceira RFEF disputado ante 1.312 espectadores.
