-
Un taconazo de Maceira permitiu ao Compos sumar a súa segunda vitoria consecutiva
Santiago de Compostela, 19 de marzo de 2026
Segundo triunfo seguido e primeira vitoria como visitantes da segunda volta. Un gol de Maceira, na visita a Barbadás, permite ao Compos seguir no alto da clasificación. 0-1 final e obxectivo cumprido na xornada intersemanal.
O duelo nos Carrís tivo que cociñarse a fogo lento. O Compos atopouse cun rival moi repregado, que tentaba pechar todos os espazos posibles e buscar as contras en cada roubo. Por iso, levou a batuta con calma ata poder atopar o premio.
Na primeira parte, a máis clara estivo nas botas de Parapar, cun disparo afastado que se estrelou no traveseiro. Mentres tanto, Álex Cobo non tivo que intervir en ningunha acción. Así, chegouse ao descanso coa igualada inicial.
Pola súa banda, na segunda, o Compos tentou imprimirlle máis ritmo ao duelo, con constantes achegamentos, aínda que sen atopar unha ocasión clara. Opción que si chegaría no 80, cando tras una acción pola esquerda, Antón Guisande poñíaa á área, Armental tocábaa coa cabeza, outra asistencia, e Maceira, de tacón, mandábaa á rede. Un golazo, o seu décimo terceiro da tempada, e 0-1.
Coa vantaxe, o Compos soubo controlar o partido, dominar os tempos e selar a merecida e necesaria vitoria. Con tres puntos, os nosos seguen no alto da táboa, con dous de vantaxe sobre o segundo.
Este domingo, ás 18:00 horas no Vero Boquete, novo reto na casa contra o Racing Vilalbés.
FICHA TÉCNICA
0 – UD BARBADÁS: Borja Atanes, Nespereira, Corzo, Infa (Villar, min.65), Toño, Iker, Isma (Soriano, min.81), Roberto Reyes, Kevin, Poch e Marcelo (Pablo Ruiz, min.65).
1 – SD COMPOSTELA: Álex Cobo; Riki Mangana, Diego Uzal, Pablo Crespo, Damián Noya; David Rosón (Armental, min.46), Samu, Unai Peón (Valín, min.73); Cañi, Parapar (Charly, min.82) e Maceira (Zuba, min.90+2).
GOLES: 1-0: Maceira, min.80.
ÁRBITRO: Juan Luís Davila (Vigo). Amoestou a Infa, Marcelo, Isma, Villar e Corzo, polo Barbadás; e a Samu e Charly, polo Compos.
INCIDENCIAS: Campo dos Carrís (Barbadás). Xornada 26 de Liga do Grupo 1 da Terceira RFEF. Importante presenza de afeccionados do Compos. Antes do partido fíxose unha homenaxe a Modesto, ex-xogador ourensán que xogou na SD Compostela nos anos 90, disputando partidos na Primeira División.
