-
Borja Yebra liderará a área deportiva do Compos, reforzando a estrutura do club
Santiago de Compostela, 26 de xuño de 2026
Borja Yebra González (Chantada, 1983) é o novo director deportivo da SD Compostela. O exxogador galego liderará a área deportiva do club nesta nova etapa na Segunda Federación. A incorporación de Yebra, unha persoa que coñece moi ben a categoría e todo o fútbol galego, reforza a nosa estrutura deportiva para que o proxecto compostelanista siga dando pasos firmes cara arriba.
Yebra toma as rendas da dirección deportiva do Compos despois de sete anos como delegado en Galicia da Asociación de Futbolistas Españois (AFE).
Alén do seu traballo nos despachos, o novo director deportivo do Compos conta cunha longa traxectoria futbolística ás súas costas. Desde o seu debut en 2004 ata a súa retirada en 2021, pasou polo CD Ourense, Universidade das Palmas, Atlético Ciudad, Guadalajara, Marbella, Boiro e Coruxo. Principalmente, desenvolveu a súa carreira na Segunda División B, con máis de 400 partidos e 15 tempadas.
Agora, dá un paso máis na súa carreira deportiva, afrontando o reto de dirixir a estrutura deportiva da SD Compostela, cargo que asume con moita ilusión e compromiso.
Benvido, Yebra.
