-
A corporación municipal felicitou ao equipo, nun día no que o primeiro plantel tamén fixo unha Ofrenda ao Apóstolo e desfrutou dunha comida no Asador Gonzaba
Santiago de Compostela, 23 de xuño de 2026
A SD Compostela puxo o broche institucional á Tempada 2025/26 este martes 23 de xuño. Tras chegar de Badalona co ascenso a Segunda RFEF na mochila, os nosos foron recibidos no Concello de Santiago por toda a corporación municipal. A alcaldesa, Goretti Sanmartín, así como as restantes formacións políticas, felicitaron ao equipo polo logro conseguido.
Así mesmo, a xornada tamén serviu para realizar unha Ofrenda ao Apóstolo Santiago na Catedral, onde foron recibidos polo deán Manuel Jesús Formoso. Neste acto, os capitáns colocaron unha bufanda compostelanista ao Santo.
E, para pechar a xornada, todo o equipo desfrutou da tradicional comida de final de tempada no Asador Gonzaba, colaborador oficial do club.
Ademais, como curiosidade, cabe destacar que a SD Compostela chegou á praza do Obradoiro nun autobús do ano 1981 de Autocares Meijide, patrocinador do club.
