Santiago de Compostela, a 23 de Outubro de 2017.
Xornada aciaga para as categorías inferiores do Compos. O Alevín B, que escala ao cuarto posto da xeral, foi o único conxunto branquiazul que foi capaz de sumar algún punto, despois de superar ao Burgo das Nacións por 0-1.
En primeiro lugar, o filial viu cortado o seu gran refacho de resultado ao caer contra o líder, o San Mamed por 1-2. Os visitantes marcaron dous tantos nos últimos minutos e, pese ao tanto de Javier López de penalti no 89, levaron os tres puntos de Santa Isabel.
En canto ao xuvenil de Nacional, acumulou unha nova derrota. Metido nunha dinámica negativa perdeu na súa visita ao Pavillón Ourense por 1-0, un tanto encaixado á media hora de xogo. Metido en zona de descenso buscarán recuperar sensacións o próximo fin de semana nas Cancelas contra o Vitoria.
Pola súa banda, o Xuvenil B perdeu a súa serie de tres partidos invicto tras caer contra o Milladoiro, segundo clasificado, por 2-4. Os visitantes adiantáronse no marcador, pero Raúl García, no 64, e Xosé Carlos González, no 76, darían a volta ao marcador. Con todo, nese últimos quince minutos, o Milladoiro sentenciaría con tres tantos consecutivos.
O Cadete, na súa visita ao líder, levou unha dura derrota por sete goles a cero, resultado que lle provoca caer dous postos na clasificación, aínda que seguen na metade da táboa.
En categoría infantil, o A perdeu pola mínima, 2-3, ante un dos favoritos da liga, o Xuventude Oroso. A pesar de empatar o partido a dous goles, o Oroso levou o triunfo cun gol no minuto 78. Mentres, o B descansou esta xornada.
O Alevín para caeu derrotado na súa visita ao Villestro por 2-1, co que se coloca na novena praza con seis puntos. Por contra, o Alevín B segue coa súa gran actuación e venceu de visitante ante o Burgo dás Nacións, ao que adianta na clasificación, por 0-1. O tanto chegou no minuto 41.
Por último, o Benxamín volveu sufrir coa falta de efectivos e perdeu por doce a un contra o Atlético Fátima.
