-
Os abonados adultos terán que pagar a entrada a 5 euros.
Santiago de Compostela, a 12 de Febreiro de 2018.
O partido que este domingo enfrontará en San Lázaro a partir das 17.00 horas á SD Compostela, primeiro clasificado con 60 puntos, contra o Bergantiños CF, segundo con 54 unidades, está declarado como día do club pola nosa entidade. Por tanto, como medida extraordinaria, os abonados adultos do club deberán pagar entrada.
Así, a lista de prezos para o partidazo da xornada quedará exposta da seguinte maneira:
– Abonado Adulto: 5€
– Abonado Xuvenil: Gratis
– NON Abonado Adulto: 15€
– NON Abonado Xuvenil: 5€
– Menores de 12 anos: Gratis
Para os abonados, poderán adquirir a súa entrada nas oficinas do club, de luns a venres no horario habitual, ou ben o día de partido, presentado o carnet de socio e o seu DNI. Desde unha hora antes do comezo do encontro, haberán abertas dúas billeteiras, debidamente identificadas, unha só para abonados e a outra para o resto de público.
O club espera contar co apoio de todos os branquiazuis neste encontro tan importante, axudando tamén a que este proxecto siga adiante. Loitamos xuntos polo noso soño.
