-
As invitacións nos locais de hostalería do Compos poderanse recoller a partir do mércores
-
Os menores de idade entran gratis, previa retirada de invitación no despacho de billetes
Santiago de Compostela, 8 de maio de 2023
Este domingo, ás 12.00 horas, xogámonos a clasificación para o playoff. En cuarta posición e con 53 puntos, o Compos depende de si mesmo para loitar polo ascenso. Para facelo posible, necesitamos o apoio de tod@s.
Para iso, o club saca unha promoción de entradas e invitacións para o partido contra o Marino de Luanco, co obxectivo de conseguir o máximo ambiente posible, que leve aos nosos ata a vitoria.
Para o partido, as entradas de adulto, tanto para Tribuna como para Preferencia, custarán 5€. Ademais, os menores de idade non pagarán entrada, aínda que deberán retirar unha invitación no despacho de billetes, o propio domingo.
Do mesmo xeito, tamén se repartirán invitacións en todos os establecementos de hostalería que colaboran coa SD Compostela. Así, entregaranse 20 invitacións a cada un dos cincuenta locais, aproximadamente, que forman parte do proxecto do club.
Estas invitacións entregaranse a partir do mércores e a listaxe de locais que colaboran pódese ver neste enlace, así como as súas ubicacións: MAPA BARES COMPOS
Cabe destacar tamén que todas as invitacións repartidas polos establecementos hostaleiros serán para a bancada de Preferencia. En todo caso, se algún dos agraciados desexa cambiar para Tribuna, poderá facelo presentando a súa invitación, o domingo, no despacho de billetes.
Por último, lembrar que tod@s os abonad@s entrarán gratis presentando o seu abono na porta de acceso.
Xuntos, a polo playoff.
O obxectivo do playoff está a un só paso e xuntos podemos logralo. Este domingo pola mañá, tod@s ao Vero Boquete.
