-
O Compos foi a remolque todo o partido en Torrelavega e non puido continuar coa súa boa dinámica de resultados
Santiago de Compostela, 8 de decembro de 2024
A SD Compostela puxo fin á súa boa dinámica de resultados, con sete xornadas sen perder, nun mal día en Torrelavega. 2-0 final nun encontro no que os nosos foron a remolque durante os 90 minutos, despois do tanto inicial dos locais nada máis arrincar.
A contenda decidiuse cun tanto de Primo, exxogador compostelanista, aos dous minutos, marcando de tacón no primeiro pau; e o posterior gol de Chus Ruiz, á media hora, cunha poutada desde tres cuartos de campo que se coou pola escuadra da portería de Rabanillo.
Ráchase así a xeira de sete xornadas sen perder dun Compos que segue asentado na zona media da táboa.
Agora tocará levantar a cabeza, o vindeiro domingo, na casa, contra o Real Ávila. Un auténtico partidazo, que entra nos abonos de Media Tempada, que se disputará ás 17.30 horas no Vero Boquete de San Lázaro, onde os nosos levan catro vitorias seguidas.
FICHA TÉCNICA
2 – RS Gimnástica: Miguel Sanz (Palomeque, min.72); Miguel Gándara, Goñi, Iago Parga, Puras; Unai, Diego Campo, Alberto Gómez, Dani Gómez (Santamaría, min.69); Chus Ruiz e Primo (Edu Bedia, min.90).
0 – SD Compostela: Rabanillo; Santi de Prado, Álvaro Casas, Pablo Crespo, Ocaña, Manu Rivas (David Soto, min.53); Selasi (Giuliano, min.62), Diego (Pablo Antas, min.53); Samu (Carlos Cinta, min.53), Fer Cano e Manu Barreiro (Hugo Matos, min.69).
Goles: 1-0: Primo, min.2; 2-0: Chus Ruiz, min.30.
Árbitro: Altuna Paguey (Gipuzkoa). Expulsou a Álvaro Casas (min.90+5) con vermella directa. Ademais, amoestou a Dani Gómez, Unai, Miguel Gándara, Goñi, Diego Campo e Chus Ruiz, pola Gimnástica; e a Samu, Selasi, Pablo Antas e Carlos Cinta, polo Compos.
Incidencias: Estadio O Malecón (Torrelavega). Xornada 15 do Grupo 1 da Segunda RFEF.
