-
Os Campus Xacobeos pasarán por Santiago, con dúas semanas, O Pino, Arzúa, Touro e Noia. Inscricións na web.
Santiago de Compostela, 19 de maio de 2025
Volven os Campus Xacobeos este verán e fano con seis sedes. Tras superar as 500 inscricións o pasado ano, a terceira edición dos mellores campus de verán pasarán por Santiago, durante dúas semanas, O Pino, Arzúa, Touro e Noia.
As inscricións xa están abertas en: https://sdcompostela.com/gl/canteira/campus-xacobeos-compos-2025/.
As datas son as seguintes:
- Santiago de Compostela: do 23 ao 27 de xuño e do 30 de xuño ao 4 de xullo.
- O Pino: Do 30 de xuño ao 4 de xullo.
- Arzúa: Do 7 de xullo ao 11 de xullo.
- Touro: Do 14 de xullo ao 18 de xullo.
- Noia: Do 14 de xullo ao 18 de xullo.
Novamente, os Campus Xacobeos, para nenos e nenas de 4 a 16 anos, contarán cos mellores adestradores, materiais innovadores, visitas de xogadores, unha festa asegurada como fin de Campus e moitas novidades máis. En todas as sedes, o horario será das 9:30 ás 14:00 horas.
Para facer posible esta terceira edición, os Campus Xacobeos contarán co patrocinio principal de Cobre San Rafael, quen renovou recentemente o seu compromiso co proxecto do club. A compañía, no seu apoio ao deporte base, tamén subvencionará parte da tarifa para os inscritos nas sedes do Pino e Touro.
Do mesmo xeito, os campus tamén contan coa colaboración de Xunta de Galicia, Turismo de Galicia, Kutxabank, Los Ángeles Gas e Gadis. Ademais, tamén merecen unha mención destacada os clubs e concellos nos que levarán a cabo cada un dos campus.
Os prezos, para esta terceira edición dos Campus Xacobeos, son os seguintes:
- Tarifa Xeral: 150€.
- Tarifa Canteira Picheleira (+ Noia e ED Arzúa): 125€.
- Irmán de inscrito (a partir do segundo): 10€ de desconto.
- Tarifa Touro e O Pino (só empadroados): 35€.
Cabe mencionar tamén que as inscricións inclúen a entrega de dúas camisetas, un pantalón, un par de calcetíns, unha botella de hidratación e un recordo da participación.
