Santiago de Compostela, a 1 de Xullo de 2016
Ander Bellido Echevarrieta (07/02/96) canteirán da SD Compostela de 20 anos, que foi cedido o curso pasado ao Estudiantil da Preferente Norte, regresa ao Compos para poñerse ás ordes de Yago Iglesias, tras asinar por un ano coa SD, na tarde de onte.
O canteirán, fillo de Javier Bellido, central da SD na súa etapa na Primeira Divisón Española, pode actuar, ben de defensa central, a súa posición natural, ou ben de mediocentro defensivo.
Co Estudiantil, Ander Bellido xogou un total de 29 partidos, 23 deles de titular, sendo unha das pezas chaves na salvación do conxunto santiagués.
Con esta incorporación, son nove os xogadores que xa conforman o primeiro plantel da SD Compostela para este novo curso. Unha cifra que se aumentará nas próximas horas, xa que tanto Yago Iglesias, como a comisión deportiva, están a traballar arreo para pechar o equipo canto antes.
