- Chiño non seguirá no equipo e Pablo Fuentes continúa como adestrador de porteiros.
Santiago de Compostela, a 7 de Xullo de 2016.
A SD Compostela pechou esta mañá a contratación por unha tempada do seu segundo dianteiro centro, Santiago Fernández Gegunde “Santi”, que procede do CD As Pontes.
Santi Fernández (18/10/1993) é un dianteiro de 22 anos con catro anos de experiencia na terceira división galega.
O xogador nacido en Navia (Asturias), tras pasar polas categorías inferiores do Lugo, deu o paso a sénior grazas ao Narón Balompé. Con eles xogou 29 partidos, anotando catro goles.
Logo deste curso, Santi foise ao As Pontes, co que continuaría xogando ata este verán. No equipo coruñés, o dianteiro asturiano foi gañando peso en cada un dos tres cursos que xogou alí. Comezou relegado á suplencia, pero pouco a pouco foi conseguindo un posto no equipo titular. En total, disputou 76 encontros de liga, marcando vinte dianas, unhas cifras que se viron incrementadas en gran medida nesta última campaña, na que participou en 36 encontros de liga e anotou once goles, sendo un dos máximos artilleiros da categoría.
Pola súa banda, outro dianteiro, José Joaquín Bertua Fontenla “Chiño” non seguirá nas filas do Compos, logo de que ambas partes non chegasen a un acordo para a súa renovación.
Dende o club, queremos agradecer a labor que “Chiño” fixo pola nosa entidade, e desexarlle a maior das sortes para os seus proxectos de futuro.
Por último, tamén se deu a coñecer que Pablo Castro Fuentes, adestrador de porteiros da SD, continuará un ano máis ocupando o seu cargo dentro do corpo técnico do equipo.
