San Lázaro disfruta da primeira vitoria da tempada

29 de Agosto de 2016

DSC_0031 (1)

Santiago de Compostela, a 27 de Agosto de 2016.

Chegaba o Compos a San Lázaro con ganas de quitarse canto antes a goleada de Abegondo e remontar o voo e así o fixo, gañando por 3 goles a 1 ao Ribadumia.

Non foi fácil a tarefa, pero a situación si que se puxo de fronte rapidamente. A pouco de comezar o partido, Santi Gegunde adiantaba á SD cun gran disparo raso á cepa do poste, ante o que nada puido facer o meta Manu Táboas.

Foi o mellor que lle puido pasar ao Compos, marcar un gol rápido e verse por diante no marcador. Axudou a coller moral e a quitarse a posible presión, que puidesen ter, de encima. A diana foi a nota positiva dentro dunha primeira media hora de tenteo, no que destacaron as defensas sobre os ataques. A partir de aí e ata o descanso, o partido colleu outro aire.

O Ribadumia perdoou, ou máis ben Lucas salvou ao Compos. Primeiro aguantou perfectamente un intento de vaselina de Changui e despois atrapou, cunha gran estirada, un disparo raso de Fandiño pegado ao poste.

Os visitantes non aproveitaron as súas e a SD fíxollo pagar. Avisou cunha gran combinación entre Saro e Diego Rey, que acabou cun remate en semierro de Santi Gegunde; e á segunda, no 42, materializou.

De novo por banda dereita, entrou Samu ata liña de fondo e o seu pase da morte empuxouno á rede Santi Gegunde. Segundo tanto para a casaca do dianteiro, que comeza con bo pé a tempada.

A vantaxe de dous goles, que chegou nun minuto psicolóxico, deu maior acougo ao Compos e fíxolles irse ao descanso coa tranquilidade do traballo ben feito.

E á saída dos vesturarios, a sentenza. De novo no minuto 6, aínda que neste caso da segunda metade, poñía o terceiro no marcador. O gol chegou despois dunha longa posesión na que o balón circulou de banda a banda, terminando a xogada cunha magnífica asistencia de exterior de Cabrejo, para a entrada en ruptura de Diego Rey, que cruzou o balón no man a man con Manu Táboas.

Co terceiro chegaron os mellores minutos do equipo, uns instantes que destacou Yago Iglesias en rolda de prensa. Neses minutos chegaron varias ocasións que puideron traer o cuarto gol. As máis claras, dous fallos de Santi Gegunde, tras asistencias de Mitogo e Saro. Nunha mandouna ao lateral da rede e na outra enviou o balón rozando o poste, cando o porteiro xa estaba batido.

Os minutos de claro dominio desapareceron cos cambios. O partido perdeu ritmo e nesa tesitura o Ribadumia recortou distancias. Foi David Rodríguez, que entrara na segunda parte, o autor do gol da honra no 88.

3 a 1 e final. Gran resultado, tres puntos e xa chove menos en San Lázaro. Hoxe tocou gozar, esperemos cheguen máis tardes como esta ao longo da tempada e para a semana, contra o Céltiga, a manter esta boa liña mostrada.

Youtube

Instagram Compos

Facebook

2 hours ago

SD Compostela
ℹ️ SANCIÓN👉 Secho non poderá contar este domingo en Ávila con Pablo Crespo🟨 O central cumprirá sanción tras recibir o quinto cartón amarelo a pasada xornada📸 Nacho Castaño #ávilacompos ... See MoreSee Less
Ver en Facebook

2 days ago

SD Compostela
🎯 A por unha nova final para seguir gañandox33 🆚 Real Ávila CF 🏟️ Adolfo Suárez🗓️ Domingo, 27 de abril🕛 12.00 horas📺 www.tvfootballclub.com/#ávilacompos ... See MoreSee Less
Ver en Facebook

2 days ago

SD Compostela
⚒️⚽️ 𝐏𝐋𝐀𝐍 𝐃𝐄 𝐓𝐑𝐀𝐁𝐀𝐋𝐋𝐎#ávilacompos ... See MoreSee Less
Ver en Facebook

3 days ago

SD Compostela
🎥 𝐑𝐝𝐏🎙️ 𝐒𝐞𝐜𝐡𝐨🗣️ Declaracións de Secho tralo terceiro triunfo consecutivo dos nosos, novamente na nosa casa#composgimnástica ... See MoreSee Less
Ver en Facebook

All contents © copyright SD Compostela. All rights reserved.