Obxectivo: Seguir sumando

4 de Setembro de 2016
Ube, en el partido del miércoles contra el As Pontes.
Ube, no partido do mércores contra o As Pontes.
  • O Compos xogará este domingo na Illa, contra o Céltiga, co obxectivo de comezar a sumar fóra de casa.

Santiago de Compostela, a 2 de Setembro de 2016.

Tras a vitoria do fin de semana pasado contra o Ribadumia, o Compos encara a terceira xornada de Liga con maior tranquilidade. O cadro santiagués visitará A Illa de Arousa para enfrontarse ao Céltiga, un equipo recentemente ascendido á Terceira División, pero que comezou a competición a un gran nivel, sumando catro dos seis puntos posibles.

O conxunto de Yago Iglesias visitará un campo dos de toda a vida, dos míticos. Deses nos que os espectadores están a escasos centímetros do xogador. Por tanto, chegarán a un campo complicado, onde o ambiente será un factor en contra que terán que lidar.

Esta situación coñécena tanto xogadores como corpo técnico, polo que irán mentalizados do que se atoparán, como así o demostran as declaracións de Yago Iglesias.

“Non é un campo nada fácil, a xente aperta moito e están moi preto dos bancos e o campo. Ademais, vai sempre a lume de biqueira co seu equipo. Imos atopar cun escenario no que temos que estar moi concentrados para sacar o partido adiante”, sinala o técnico.

Con todo, na visita ao Salvador Otero non só se medirán ao público, senón que enfronte terán a un duro rival que, a pesar de debutar na categoría, completou un gran plantel, e así o demostran os resultados logrados nestas dúas xornadas, unha vitoria contra o As Pontes e un empate na súa visita ao Dubra.

“É un equipo moi rocoso e moi ben compensado. A pesar de ser un recentemente ascendido, reforzouse moi ben”, di Yago.

O choque chega tras a eliminación do mércores en Copa Federación, un tropezo que non afectará ós xogadores, xa que teñen claro que os seus obxectivos están na competición ligueira. Por iso, a vitoria do sábado en San Lázaro, foi vital. “O equipo necesitaba eses tres primeiros puntos para soltarse e para ir mellorando na competición”, comenta o adestrador.

Unha derrota que permitirá ademais contar con toda a semana para adestrar. “Levamos sete semanas xuntos, nelas non tivemos nunca semanas limpas para adestrar e a pesar diso o equipo vai asimilando as cousas. Semana a semana, os xogadores coñécense máis e nós a eles. Imos vendo que calidades técnicas nos poden dar e o equipo progresa adecuadamente”, afirma Yago Iglesias.

Nesa progresión axuda que os xogadores tocados se vaian recuperando das súas lesións, como é o caso de Martín. “Leva adestrando toda a semana ben e este fin de semana xa pode entrar na convocatoria”.

Quen segue apartado do grupo é Cardeñosa, que aínda non se recuperou da súa lesión en Abegondo. Ademais, tamén será dúbida Diego Rey, xa que “leva toda a semana adestrando con molestias no xeonllo”.

Por tanto, con 21 ou 22 xogadores dispoñibles, entre hoxe e mañá, Yago terá que decidir a quen convoca para a súa visita ao Salvador Otero. Un partido no que espera contar co apoio da afección, como así o notou cando viaxaron a Abegondo, na primeira xornada de Liga, ou a Boiro, na Copa Deputación.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

20 hours ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Santi de Prado está de volta! A SD Compostela 24.25 refórzase cun correcamiños para a banda⚽️ Regresa ao Compos para seguir co seu crecemento tras unha sensacional campaña na UD Ourense 𝐒𝐚𝐧𝐭𝐢 𝐝𝐞 𝐏𝐫𝐚𝐝𝐨 🩵🤍✍️ sdcompostela.com/2024/06/20/santi-de-prado-fichaje-sd-compostela/#benvidosantideprado ... See MoreSee Less
Ver en Facebook

2 days ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

4 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

6 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

All contents © copyright SD Compostela. All rights reserved.