[cs_video column_size=”1/1″ video_url=”https://www.youtube.com/watch?v=QgQkpwgRq_k” video_width=”500″ video_height=”250″][/cs_video]
- Julián, Saro e Samu foron presentados oficialmente en Compostela Concesionario, nun acto que presentou Ramón Castro.
Santiago de Compostela, a 9 de Setembro de 2016.
Presentado por Ramón Castro, Concesionario Compostela acolleu as presentacións de tres puntais do novo proxecto da SD Compostela. Dous veteranos e con experiencia, e outro novo pero que lidera o centro do campo como se tivese 35. Julián, Saro e Samu, tres picheleiros de pura raza foron os tres xogadores presentados na sede cuxo referente é KIA, patrocinador oficial da SD por sétimo ano consecutivo.
Neste acto, o xerente de Compostela Concesionario, Aurelio Novoa, quixo afianzar o compromiso que ten a KIA co deporte local de Santiago, unhas directrices que van en relación ao traballo da sede central da empresa. Así, recalcou que eles estarán aí para animar o equipo, co obxectivo de recuperar a categoría de bronce do fútbol español.
“Despois dunha tempada convulsa, tanto os xogadores, como a xunta directiva e corpo técnico queren volver a Segunda División B, e aí contarán co noso apoio. Estaremos en San Lázaro animando ao equipo todos os partidos para que consigades esas metas”, afirmou Aurelio Novoa.
A presentación serviu para coñecer a tres xogadores locais, deportistas santiagueses que tras pasar por diferentes equipos dáselles a oportunidade en casa, en Santiago de Compostela.
Julián, que vén do Ordes, xogou en categoría cadete e dous anos de xuvenil co Compos e agora dáselle a oportunidade, aos 30 anos, en sénior. “Volver é algo que a todos os que pasamos por aquí, gústanos. A min chégame esta oportunidade con 30 anos e por iso estou moi feliz de volver a Santiago e ao Compos”, dixo.
Un regreso que non significará maior esixencia senón máis ilusión. “Gustaríame facelo ben neste regreso, pero non por ser santiagués ou volver, vou ter miradas especiais sobre a miña persoa”, afirmou.
O interior será unha das pezas importantes nun proxecto que “non ten présas, aínda que son dos que creo que imos estar aí arriba”.
O seguinte foi Saro. Un interior reconvertido a lateral que xa xogou para Yago a tempada pasada. O irmán de Jimmy, regresa ao conxunto no que estivo de pequeno, polo que sente moi satisfeito de regresar ao club. Unha nova etapa na que tentará “facelo o mellor posible”.
O lateral comentou que agradece o agarimo mostrado á súa persoa, uns agradecementos que veñen en consecuencia moitas veces por ser irmán de Jimmy, aínda que puntualiza: “Se algún espera que faga o que facía el, xa adianto que somos diferentes”.
Por último, Samu, que tamén vestiu a casaca do Noia a anterior campaña pretende “seguir crecendo” nun proxecto novo que lle ambiciona moito.
Aos seus 21 anos, admite que coa idade que ten, “nota a presión por ter que manexar o centro do campo”, aínda que “é co que calquera futbolista lle gustaría convivir e moito máis se queres crecer no fútbol”.
Foto: A.Hernández.
