Santiago de Compostela, a 30 de Setembro de 2016.
Chega a primeira fin de semana de outubro e con ela, o carrusel de partidos que cada xornada nos depararán as categorías inferiores da Sociedade Deportiva Compostela.
Os “maiores”, o xuvenil de Liga Nacional, realizarán unha viaxe complicada coa que pretende lograr o seu primeiro triunfo do campionato. Os de Vecho xogarán ante o sempre temido Ourense CF no Campo Municipal de Oira, o domingo ás 12:00.
Pola súa banda, o xuvenil B, xogará en casa contra o Vitoria F.C., buscando reverter un mal comezo de campionato no que caeron a postos de descenso. O partido será o domingo ás 13:00 no campo das Cancelas.
Baixamos de categoría, onde nos atopamos ao Cadete que viaxará ao Municipal do Viso para xogar contra as Escolas Deportivas do Arzúa. Logo da súa primeira derrota o fin de semana pasado, os de Guillermo Gil queren retomar a boa senda que levaban ata o de agora. O encontro será o domingo ás 11:00.
O que si pretende seguir coa boa dinámica é o Infantil A, que con nove puntos en catro xornadas marcha quinto na clasificación. Para manterse nos postos de honra da clasificación xogará contra o E.F. Lalín no Campo Anexo Manuel Anxo Cortizo, o sábado ás 12:30.
No que respecta ao Infantil B, terá un derbi contra o Amio SD nas Cancelas o domingo ás 9:30.
En canto aos alevíns, que se estrean en Liga, o A xogará contra o CD Conxo o sábado ás 10:30 en Santa Isabel, mentres que o B, fará o propio o sábado ás 12:30 en Santa Isabel, pero contra o AD Manuel Peleteiro.
Por último, o Benxamín, que debutou en Liga o sábado pasado con vitoria, xogará contra o Milladoiro SD, o sábado ás 19:30 no campo das Cancelas.
