Santiago de Compostela, a 3 de Outubro de 2016
A Sociedade Deportiva Compostela vivirá mañá un feito histórico. Un acto que marcará un punto moi importante na historia do club compostelán. O Compos presentará a súa primeira tenda oficial na rúa do Vilar.
Ás 12 da mañá, o presidente do club, Antonio Quinteiro, acompañado polo director de márketing e desenvolvemento de negocio, Javier Puñal, e polo administrador de Reizentolo, Pablo Rodríguez Torres, mostrarán de forma pública a tenda da SD Compostela.
A localización da mesma está na rúa do Vilar 43, na zona vella da cidade compostelá, compartindo localización coa de Reizentolo, dirixida por Gonzalo Sanmartín. O conxunto branquiazul terá dedicado un córner no que se atopará toda a roupa oficial da entidade.
Desde o club, convidámosvos a que vivades este acto histórico da SD Compostela. O Compos somos todos. Xuntos formamos unha gran familia e queremos que todos os que poidades esteades presentes nesta celebración.
