[cs_video column_size=”1/1″ video_url=”https://youtu.be/ZYASgrMGBkk” video_width=”500″ video_height=”250″][/cs_video]
Santiago de Compostela, a 29 de Outubro de 2016.
Este domingo chega outra función a San Lázaro. Outro encontro no que o conxunto de Yago Iglesias tentará manter a súa serie de vitorias no seu feudo. O sexto triunfo do curso que lles permita adentrarse de novo nos postos de honra da clasificación.
Para iso, o Compos deberá superar a un CD Barco, nóveno con 15 puntos, que é o máximo realizador da categoría, con 21 tantos. O equipo ourensán é “un conxunto con moito potencial do medio do campo cara adiante”, unha agrupación “que se reforzou moi ben tras as baixas de dous xogadores moi importantes para eles como Rodri e Mitogo”, comenta Yago.
“Pola súa localización, acode ao mercado da zona de León e Ponferrada, traendo xogadores precisamente da Ponferradina e a Cultural, que xogaron en categorías superiores”, explica.
Para enfrontarse a iso, a SD recupera efectivos, aínda que seguirá sen contar con Samu. As altas permitiranlle ao técnico local ter a posibilidade de elixir entre diferentes opcións por posto, aínda que “non temos unha formulación máis aló que noutros partidos”, afirma.
Segundo o adestrador riveirense, “nas últimas semanas avanzamos en competitividade e intensidade”, unhas características que demostran que o equipo está a madurar. Iso si, “quizais non facendo o fútbol que desexamos, pero queremos conseguir o punto óptimo desa ‘malo leche’, para retomar despois outros conceptos”.
Ante un equipo “que deu a sorpresa o ano pasado e que non vai poñer as cousas nada fáciles”, Yago agarda “seguir sendo o Compostela de San Lázaro”, principal paso para conseguir o seis de seis.
