[cs_video column_size=”1/1″ video_url=”https://youtu.be/gsVjrVRvon8″ video_width=”500″ video_height=”250″][/cs_video]
-
A SD Compostela tentará conseguir a súa primeira vitoria de visitante ante un Arousa SC que está cuarto con 20 puntos.
Santiago de Compostela, a 5 de Novembro de 2016.
Despois da primeira derrota en casa, o Compos buscará este domingo rachar a súa xeira negativa de cero triunfos lonxe de San Lázaro. Para iso, deberá superar ao Arousa SC, un rival moi poderoso no seu feudo e que tan só perdeu un partido no que vai de tempada.
Co paso das semanas, o equipo santiagués foi madurando e perfeccionándose no seu xogo, unha mellora que non veu acompañada de bos resultados nos dous últimos enfrontamentos, pero que deixa a clara sensación a xogadores e corpo técnico de que “seguindo nesta liña empezarán a chegar os resultados positivos”, reflicte Yago Iglesias.
Esta melloría ofrece ao equipo o positivismo de pensar que “quizais no campo menos propicio para gañar, consigamos os tres puntos”, sinala. Un campo máis complicado, non polas condicións do mesmo, xa que “os partidos que tivemos fóra, a excepción do Deportivo, sempre foron en campos de dimensións distintas ás que temos, e iso cústanos; mentres que nese aspecto, este quizais nos beneficie”, senón pola dificultade do rival.
O Arousa SC, dirixido por Jorge Otero, “un adestrador que coñece moi ben a categoría e que tenta que os seus equipos teñan o balón e sexan moi verticais”, marcha cuarto na clasificación con 20 puntos, unha posición que non sorprende a Yago, porque os considera como “un dos equipos que loitará por estar arriba”.
O conxunto de Vilagarcía é “un equipo moi sólido e con xente moi rápida por fóra”, apunta Yago, e especifica “teñen unha mestura de xogadores veteranos, fortes, potentes, acompañados por futbolistas rápidos e con gol”. Entre eles, o técnico riveirense destaca á columna vertebral formada por Jorge Otero, “con Hugo Soto en punta, Sylla e Sidibe no medio e Sergio Lloves en porta, aínda que mañá xogará Roberto Pazos”.
Un bloque moi potente, ante o que non se poden relaxar en ningún momento, como evidencia o dato de que gañaron os seus dous últimos encontros como locais no desconto. Os once que sexan da partida, e os suplentes que entren ao campo, deberán estar concentrados ao 100% durante os 90 minutos, para que o resultado que traian de volta a Santiago sexa o máis propicio.
CONVOCATORIA SD Compostela:
Manu Cedrón, Lucas, Saro, Taboada, Cardeñosa, Ander, Mon, Make, Julián, Tomás, Diego Rey, Martín, Rubén, Mitogo, David Nogueira e Santi Gegunde.
Bajas: Cabrejo y Samu, por lesión; David Rey, sancionado; e Juanin, Alberto e Ube, por decisión técnica.
