Novo punto nun partido con boas sensacións

6 de Novembro de 2016

dsc_0025

Santiago de Compostela, a 6 de Novembro de 2016.

Novo punto fóra de casa para a SD Compostela na Lomba, nun partido no que mereceu moito máis. Os de Yago Iglesias volveron mostrar unha gran cara ante un duro rival que pelexará por entrar no playoff de ascenso.

Tras dúas derrotas, a SD consegue polo menos sumar un punto que agradece en parte, os merecementos logrados nestas últimas xornadas.

Como se dicía na previa, nun campo quizais máis propicio para o xogo desenvolvido polo Compos, os santiagueses saíron motivados ao choque, buscando xerar perigo co balón nos pes.

Así, ao pouco de comezar o encontro, Tomás quedaba só fronte a Roberto Pazos, pero o meta conseguía despexar o un para un. E á media hora, nova ocasión marrada. Esta vez foi Santi Taboada o que desaproveitaba un remate franco na área, tras o saque de falta de Mon.

Con todo, o Arousa espabilou cos primeiros achegamentos perigosos dos visitantes, e antes de chegar ao descanso tamén tivo as súas dúas ocasións: un remate que sacou cos pés Lucas e un bo cabezazo que tamén despexou o meta santiagués.

Tras o paso polos vestiarios, o dominio visitante fíxose máis latente, sendo as ocasións do Compos as máis perigosas.

No 52 e no 66, Roberto Pazos emerxía para despexar dous sensacionais cabezazos dun David Nogueira que regresaba ao once titular. O dianteiro santiagués topouse cunha sensacional man do meta local, cando o balón parecía que xa estaba dentro.

E cando non foi o porteiro, foi a mala sorte. No 77, Make mandaba o balón rozando o traveseiro. O seu bo tiro foise por escasos milímetros, evitando que o primeiro gol campease no marcador.

Con todo, a máis clara do partido chegou no desconto. No 93, tras unha serie de rexeites na área, Santi Gegunde, quen entrara na segunda metade, sacaba un gran golpeo que lamentablemente se ía ao traveseiro. Un pau que salvaba ao Arousa e que evitaba que a primeira vitoria de visitante da SD Compostela se fixese realidade.

Non puido ser, pero outro punto que se suma ao casilleiro e que, a pesar de provocar un descenso ao undécimo posto, mantén ao Compos a tres puntos do terceiro e o cuarto. Uns postos de playoff aos que optará se gaña ao Ordes, que conseguiu o primeiro triunfo en Liga hoxe, o domingo que vén.

Flickr


Youtube

Instagram Compos

Facebook

21 hours ago

SD Compostela
🔜⚽️ Un domingo para recuperar a senda da vitoria en Vitoria 💪🩵🤍𝐗𝟏𝟐🆚 Deportivo Alavés B 🗓️ Domingo, 22/11🕛 12:00 horas🏟️ Jose Luis Compañón - Ibaia 3🎟️ 10€ #minigloriascompos ... See MoreSee Less
Ver en Facebook

1 day ago

SD Compostela
⚒️🩵🤍 Comezou xa a semana de traballo para os nosos 💪Recuperación e o foco xa na visita ao País Vasco deste domingo#minigloriascompos ... See MoreSee Less
Ver en Facebook

1 day ago

SD Compostela
🎂 Hoxe está de aniversario o noso encargado do material, Edgar Piñeiro Mendez-benegassiMoitos parabéns, Edgar!! 🩵🤍📸 Nacho Castaño ... See MoreSee Less
Ver en Facebook

2 days ago

SD Compostela
🎙️ Carlos de Lerma | #composourenseO técnico do Compos analizou a derrota no derbi, nun encontro no que os nosos, como valorou o adestrador, non estiveron finos no último terzo do campo ... See MoreSee Less
Ver en Facebook

2 days ago

SD Compostela
🔚 FINALCOMPOS 0️⃣-1️⃣ Ourense CFHoxe non foi o día! Ráchase a xeira de encontros sen perderGRAZAS AFECCIÓN por apoiarnos ata o final, pese ao resultado 👥🩵🤍📸 Nacho Castaño#composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.