Santiago de Compostela, a 5 de Decembro de 2016.
A SD Compostela cumpriu outro paso máis na súa historia como club. Tras a presentación da súa tenda oficial a comezos de outubro, o equipo santiagués estrea agora a súa tenda oficial online, que se atopará dispoñible na páxina web oficial da entidade (www.sdcompostela.com).
Dentro dela atoparás todas e cada unha das pezas oficiais que visten tanto técnicos, xogadores, directivos e empregados. Todas e cada unha das prendas do Compos poderán ser túas sen moverte da casa, só cun par de clicks.
Os dous equipamentos, o chándal, o polo, o chuvasqueiro, a cazadora e mesmo o pin, a gorra, as camisetas de Nacho, Bellido ou os bodys para os máis pequenos. Todo o que podes atopar na tenda de Rúa do Vilar 43, teralo tamén na pestana de tenda on-line da web.
A casa de todos os compostelanistas terá agora unha localización a maiores, a nosa web oficial. Aprovéitaa para realizar as túas compras, se non podes achegarte á tenda oficial, e lévate ao teu fogar os produtos do teu equipo.
