Peche dunha volta en San Lázaro

17 de Decembro de 2016

[cs_video column_size=”1/1″ video_url=”https://youtu.be/pMzeYuHkeHc” video_width=”500″ video_height=”250″][/cs_video]

Santiago de Compostela, a 16 de Decembro de 2016.

Despois de catro meses de competición e dezaoito partidos disputados, a SD Compostela pechará, este domingo ás 17h en San Lázaro, a primeira volta da competición. Farao xogando o encontro da décimo novena xornada de Liga ante a UD Barbadás, sexto clasificado con 31 puntos.

Os ourensáns, do mesmo xeito que o ano pasado, comezaron o campionato moi fortes, perdendo tan só tres partidos ata o momento, unha xeira na que ten vital importancia os puntos acadados no seu feudo, o campo dos Carrís. Aínda así, a dinámica fóra de casa tampouco é tan mala, xa que sumaron dous triunfos, catro empates e tres derrotas, para un total de dez puntos.

De feito, o equipo dirixido por Miguel López leva desde a xornada 11 sen coñecer a derrota. Tras aquel tres cero ante o Villalbés, os azuis lograron catro vitorias e tres empates, o último na casa ante o Dubra.

Para Yago Iglesias, o conxunto que visitará San Lázaro é un “equipo moi rochoso, que recibe poucos goles e que fai moito dano, sobre todo, a balón parado e en contraataques”. A pesar da “reforma importante que realizaron, tanto a nivel de banco como de xogadores, o equipo, do mesmo xeito que outros anos, comezou moi ben. Os xogadores portugueses fichados están dándolle resultado”, aclara.

Ademais destas incorporacións, o técnico ribeirense destaca do seu rival que se trata dun conxunto “con xogadores veteranos, entre os que destaca o seu porteiro Berto, que estivo moitos anos no Ourense, pero tamén futbolistas como Alfredo ou Rodrigo”.

Ante un rival “de primeira volta”, como os tachou Yago, o Compos buscará sacar os tres puntos en casa para pechar o ano da mellor maneira posible. “Sería moi importante porque nos daría un impulso grande na clasificación, achegándonos a eles, e ademais polas sensacións que deixaría gañar na casa, conseguindo coller forzas con eses tres puntos para a segunda volta, que é onde temos postas as nosas miras para que o traballo dea os seus froitos”, explica o adestrador.

A pesar de que non lle gusta a circunstancia de que chegue a Santiago un equipo sen nada que perder, xa que segundo o seu punto de vista, “son os rivais máis complicados”, o técnico está de parabén, xa que despois de moito tempo ten dispoñibles a todos os seus xogadores, fisicamente falando, aínda que Mon non poderá xogar por sanción e Samu descansará para non arriscar.

Así, Yago decidirá que dezaseis xogadores dos vinte forman parte da convocatoria e que once partirán de titulares, o domingo antes do encontro. Terá mil variantes á súa disposición para lograr o seu obxectivo, pechar a primeira volta na casa con vitoria.

Youtube

Instagram Compos

Facebook

17 hours ago

SD Compostela
🏅🚴‍♀️ Orgullo de Compostela!Alejandra Neira, campioa do Mundo en Ruta e de Europa en CRI en categoría Junior, será homenaxeada este domingo no Vero Boquete⚽️ A ciclista compostelá fará o saque de honra no derbi contra o Ourense CF #composourense ... See MoreSee Less
Ver en Facebook

19 hours ago

SD Compostela
🔥🩵🤍 PREVIAO Compos buscará dar un golpe de autoridade na casa e confirmar así a súa boa dinámica 🗓️ Os nosos recibirán o domingo ás 17 horas ao Ourense FC co obxectivo de prolongar o gran momento do equipo, con 13 puntos obtidos dos últimos 15 posiblesPor primeira vez no que vai de tempada, Carlos de Lerma terá á súa disposición aos 24 membros do plantel📸 Nacho Castaño #composourense ... See MoreSee Less
Ver en Facebook

23 hours ago

SD Compostela
🎙️ Previa Carlos de Lerma | Xornada 11🩵🤍 O técnico do Compos destacou que ten a todo o plantel, que seguen co debe de darlle á afección unha alegría na casa e analizou as claves para poder conseguir o triunfo no derbi#composourense ... See MoreSee Less
Ver en Facebook

2 days ago

SD Compostela
🗓️🏟️ Domingo de San Lázaro! 🫂🩵🤍 O primeiro derbi na nosa casa tamén o xogades vós💪 Apoia aos nosos e axúdanos a conseguir outra vitoria na Liga!📸 Nacho Castaño #composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.