-
O 24 de Febreiro o Compos realizará este acto no Hotel Porta do Camiño, onde espera contar con todos os compostelanistas.
Santiago de Compostela, a 30 de Xaneiro de 2017.
Unha celebración para todos os compostelanistas. A Sociedade Deportiva Compostela celebrará o próximo 24 de febreiro, venres, a súa primeira Cea de Entroido no Hotel Oca Porta do Camiño, un acto ao que todos aqueles afeccionados e seguidores do Compos poderán acudir.
A cea busca por unha banda que a xente llo pase ben, celebrando a festividade de entroidos, e polo outro, que os nosos seguidores poidan coñecer máis de preto a todos os integrantes da entidade, tanto xogadores, corpo técnico, directiva e demais persoas vinculadas ao club da capital de Galicia.
O acto terá lugar o venres 24 de febreiro no Hotel Oca Porta do Camiño, en San Lázaro, a partir das 21:30h. Nel, ademais de cear, sortearanse camisetas ao mellor disfrace de neno e adulto, mentres que os asistentes tamén participarán no sorteo doutros agasallos. Será unha festa para gozar todos en familia.
Para asistir ao acto, os socios terán que pagar 20€, mentres que os que non o son 25€. Para apuntarse poderán facelo nas oficinas do club, de luns a venres, ou ben o día de partido na billeteira do estadio.
A cea consta de sopa de cocido de primeiro, cocido de segundo, sobremesa e café. Para beber, auga e viño. Os asistentes estarán situados en mesas redondas de dez persoas e, ademais, durante a comida e ata o fin de festa, poderán gozar da actuación en directo do cantante Xosé Constenla, así como doutras sorpresas.
Por tanto, estariamos encantados de contar coa túa presenza nesta celebración tan bonita e familiar. Apúntate xa á I Cea de Entroido da SD Compostela.
