Reforzar o fortín

7 de Abril de 2017

[cs_video column_size=”1/1″ video_url=”https://youtu.be/9xppwEtuzEo” video_width=”500″ video_height=”250″][/cs_video]

Santiago de Compostela, a 7 de Abril de 2017.

Co obxectivo de lograr a súa terceira vitoria consecutiva e manterse enganchado á loita polo playoff, a SD Compostela xogará este domingo en San Lázaro contra un Villalonga que tenta achegarse á zona tranquila da táboa e así evitar a pelexa do descenso.

Nunha tarde que se presupón asollada, o club pretende encher a bancada de tribuna de San Lázaro, para gozar dun estadio lúcido, á vez que sirva de aliciente para apoiar aos futbolistas, actuando como o xogador número doce. Para iso, cada socio puido retirar tres entradas gratuítas por carné.

Con todo, en fronte estará un rival que xa lle puxo as cousas moi complicadas ao Compos na primeira volta. “No seu campo, expuxéronnos un partido moi físico, favorecidos por un campo encharcado, marcáronnos moi rápido e foi todo moi complicado”, explicou Yago Iglesias en rolda de prensa.

Daquelas, no primeiro partido de Recoba, un gol seu de volea permitiu o empate. Agora, Yago espera manter unha efectividade maior á dese encontro, similar á das últimas xornadas na casa. “Espero que sigamos coa dinámica de marcar moitos goles en casa, marcar o 50% do que xeramos”, comentou.

En adición, sintetizou como ve o partido: “Debemos estar equilibrados, cambiando rápido o chip de ter o balón, a perdelo. Ademais, temos que estar concentrados nas xogadas a balón parado, porque teñen bos lanzadores e xente que remata ben e evitar, na medida do posible, que nos finalicen”.

Por tanto, é importante “ser o Compostela das últimas semanas” para seguir loitando por ese carameliño “que queremos coller”. Que se manteña “a dinámica ascendente desta segunda volta” e partir de aí “pode pasar de todo”, asegura Martín, goleador a semana pasada en Ordes saíndo desde o banco.

O interior santiagués explicou que “chegados a este punto da competición, temos que ser fieis a nós mesmos e loitar ata o final”, uns últimos partidos “nos que a xente máis experta, temos que achegar o noso granceiro de area”. O importante, para o interior santiagués, é “seguir coa filosofía do partido a partido, loitando cada encontro coma se fose unha final”.

Así, na final de San Lázaro deste domingo, xogadores e corpo técnico esperan contar co ánimo necesario para este tipo de partidos. O técnico ribeirense só pide unha cousa, “que a xente anime sexa cal for o marcador, porque nos axuda unha chea, tal e como vimos a semana pasada”.

Se logramos o obxectivo de encher a tribuna de San Lázaro, lograr os tres puntos estará un pouquiño máis preto. Necesitamos reforzar o fortín santiagués. San Lázaro ten que ser unha caldeira e que os tres puntos queden na casa.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

3 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

7 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

All contents © copyright SD Compostela. All rights reserved.