Santiago de Compostela, a 12 de Abril de 2017.
Unha camiseta para o recordo. A SD Compostela pon á venda a camiseta retro da tempada 1993/94, o ano do ascenso á Primeira División Española. Desde hoxe mesmo, poderás atopar esta peza histórica no noso córner oficial, na tenda de Reizentolo (Rúa do Vilar, 43), e en 4-4-2 Botas (CC Área Central).
Co mesmo prezo que o equipamento desta tempada, esta camiseta retro pretende calar nos afeccionados compostelanistas que viviron aquela xesta. Con xogadores como Bellido, Ohen, Abadía ou Fabiano, a SD Compostela conseguiu subir á Primeira División Española, tras superar no desempate da Promoción de Ascenso ao Raio Vallecano.
A camiseta ademais está composta por un tecido tecnoloxicamente avanzado, chamado Ti-Energy. Grazas a isto, a peza é hidrófuga (evita a acumulación e a filtración de auga), permitindo tamén que a temperatura corporal e muscular se manteña constante.