-
Quinta baixa no plantel do Compos respecto do curso pasado
Santiago de Compostela, a 29 de Maio de 2017.
Alberto Lamas Verdes ‘Make’ (13/01/1991) non seguirá no Compos a próxima tempada. O club deu a baixa ao mediocentro, quen chegou este ano aos branquiazuis procedente do Rácing Villalbés, co que xogara as últimas seis campañas.
O lucense contou este ano cun gran protagonismo dentro do plantel santiagués, xa que disputou un total de 33 partidos, 22 deles como titular. Nos 2182 minutos xogados, Make anotou un gol, no encontro contra o Arousa da segunda volta. Ademais, o futbolista de Villalba recibiu oito cartóns amarelos nos choques nos que participou.
A directiva quere agradecer a Make o seu labor no Compos durante a tempada 2016/17, ao mesmo tempo que lle desexa a maior das sortes para o seu futuro.
