-
Cardeñosa e Alberto Freire, terceiro e cuarto xogador confirmados.
Santiago de Compostela, a 31 de Maio de 2017.
Un defensa central e outro mediocentro e xa son catro os xogadores confirmados para a nova campaña. José Manuel Rodríguez Casais “Cardeñosa” e Alberto Freire Riveiro serán da partida na nova tempada da SD Compostela, na que o obxectivo será clasificarse entre os catro primeiros. Cardeñosa renova por unha tempada máis, mentres que Alberto ten contrato ata 2019.
O central de 30 anos, quen fichou o curso pasado polo Compos procedente do Arousa, renova por un ano o seu vínculo co cadro santiagués. A pesar de que as lesións lle lastraron na primeira parte do campionato, Cardeñosa acabou sendo un fixo no once formado por Yago Igrexas, constituíndo tándem con Taboada ou Uña no centro da zaga.
En total, Carde participou en vinte e cinco partidos, nos que en tan só en dous saíu desde o banco de suplentes. Disputou un total de 1878 minutos, nos que anotou tres goles (Negreira, Castro e Barbadás) e recibiu seis cartóns marelos e unha vermella.
No que respecta a Alberto, a pesar de que xogou o primeiro partido contra o Deportivo B como titular, non volveu ao once ata o choque contra o Ordes. Ante esta falta de minutos, buscóuselle unha saída, recalando no Bertamiráns da Preferente Norte. Alí, Alberto xogou un total de trece encontros nos que anotou dous goles.
Agora, despois de que renovara o seu contrato ata o 2019 antes de marcharse, regresará para tentar atopar ese oco que non tivo o ano pasado ás ordes de Yago Iglesias.
Desta forma, o técnico xa conta cun porteiro, un defensa central e dous mediocentros para o proxecto continuísta da tempada 2017/18.
