- O central, que chegou en invierno, convértese na sétima renovación.
Santiago de Compostela, a 2 de Xuño de 2017.
A sorpresa da segunda volta continuará a próxima campaña. O central madrileño, David Uña Pablo, fichado no mercado invernal para reforzar o centro da zaga compostelá, renovou o seu contrato coa entidade santiaguesa por unha tempada máis.
O futbolista de 25 anos chegou para cubrir unha posición que se resentiu na primeira volta e, desde que fichou, foi un fixo nas aliñacións de Yago Iglesias. Destacou pola súa contundencia e polo seu poderío aéreo, axudando en gran medida ao labor defensivo do conxunto na segunda volta.
Uña debutou no partido contra o Céltiga, entrando no descanso, e xa non perdería o posto ata a xornada 30, na que non puido xogar por acumulación de cartóns. Volvería ao once inicial á xornada seguinte, ante o Silva, e xa non deixaría o seu posto ata as dúas últimas citas do campionato, na que unhas molestias musculares impedíronlle adestrar correctamente e ir convocado. No cómputo global, foron quince partidos disputados, catorce deles titular.
Coa súa renovación, o Compos conta xa con dous centrais para o novo curso. Para conseguir o obxectivo do playoff é necesario pechar ben a propia meta, polo que este ano, Yago quere ter ben gornecida esta zona defensiva.
