Santiago de Compostela, a 2 de Xuño de 2017.
Chegado o mes de xuño, as diferentes categorías da base do Compos van rematando as súas competicións. Así, esta fin de semana, o Nacional xogará o seu último partido de Liga, mentres que o Cadete e o Infantil A xóganse a final da Copa.
Tras a súa salvación, coa vitoria en Redondela ante o Choco, o Xuvenil de Nacional pretende acabar a liga con outra vitoria, esta vez ante un CD Calasanz ao que só lle vale o triunfo se desexa ter algunha oportunidade de poder salvarse. O encontro disputarase o domingo ás 12h nas Cancelas.
O Cadete, tras o seu 4-1 na ida das semifinais da Copa de Santiago, busca defender a súa renda e, por tanto, clasificarse para a final, ante un Compañía de María que tentará a heroica. O partido xogarase o sábado ás 18h na Barrosa.
Pola súa banda, o Infantil A xoga as semifinais de Copa do Sar, pero aínda o encontro de ida, o cal terá lugar o domingo ás 10h nas Cancelas. O seu rival será un Milladoiro SD que chegou a esta rolda tras eliminar con contundencia ao seu anterior adversario.
No que respecta aos máis pequenos da casa, os alevíns, A e B xuntos, buscarán repetir o éxito acadado en Calo, onde foron campións, no Torneo Copa Sálvora, que se celebrará o sábado.
No mesmo campionato, Torneo Copa Sálvora, participará tamén o Benxamín, que chega despois de salvarse no playoff de descenso. No seu caso será o domingo.
