-
A final da Copa de Santiago será o domingo ás 11:30 en Santa Isabel.
Santiago de Compostela, a 9 de Xuño de 2017.
Coas ligas terminadas, chega o tempo das copas e dos torneos. Así, a base da SD Compostela vivirá unha fin de semana na que dous equipos xogaranse grandes cousas. O Cadete pelexará polo título da Copa de Santiago ante o Villestro, mentres que o Infantil A buscará remontar na volta das semifinais da Copa do Sar.
O partido decisivo da Copa de Santiago será o domingo ás 11:30 en Santa Isabel. Ante o Villestro, o cadete quere pechar o ano cun título. Por iso, quere que a máxima xente posible vaia a animalos, xa que lles axudará a logralo.
Pola súa banda, o Infantil A xogará esta tarde, ás 19:30, no Novo Campo do Milladoiro, buscando remontar a eliminatoria contra o Milladoiro. O 1-3 da ida foi un mal resultado, pero os mozos de Juanvi confían na remontada. Despois, o sábado e o domingo, xunto ao Infantil B competirán no Torneo Copa Sálvora.
Por último, o Alevín A e o Benxamín participarán no Torneo Ulla Pontecesures, o primeiro o domingo e o segundo o sábado, mentres que o Alevín B competirá no Torneo de San Mamed.
