-
Os mozos de Xenxo acadaron o título tras vencer 1-0 ao Villestro
-
O Infantil terminou cuarto na Copa Sálvora
Santiago de Compostela, a 12 de Xuño de 2017.
Gran fin de semana para as categorías inferiores da SD Compostela. O Cadete, dirixido por Xenxo, logrou, merecidamente, gañar a Copa de Santiago, despois de superar na final ao Villestro. Ademais, o Infantil, tras quedar eliminado da Copa do Sar, conseguiu un gran cuarto lugar na Copa Sálvora.
O protagonista da xornada foi, sen dúbida, o cadete branquiazul. Tras derrotar ao Amio en cuartos e ao Compañía de María en semifinais, presentábanse na final da Copa de Santiago, na que se enfrontaban ao Villestro.
En Santa Isabel viviuse un partido moi igualado que puido caer de calquera lado. Ambos tiveron as súas ocasións, pero non sería ata o minuto 58 cando se decantou a balanza. O heroe da final foi Marcos Andrade, autor do único tanto do partido, tras unha gran asistencia de Raúl García.
Este gol sería ao cabo definitivo para que os mozos branquiazuis levasen a vitoria e puidesen saborear o mel do éxito con este trofeo, co que pechan unha tempada moi positiva.
Nunha categoría menos, o Infantil A, o venres, quedou eliminado nas semifinais da Copa do Sar, xa que perdeu por 3-2 no encontro de volta contra o Milladoiro.
Con todo, os mozos de Juanvi, unidos ao Infantil B, redimíronse cun gran torneo na Copa Sálvora. Gañaron os seus tres partidos de grupos, eliminaron ao CD Unión en cuartos por 5-0, pero caeron derrotados en semis polo Once Caballeros, co mesmo resultado. Despois, na final de consolación, caeu 2-1 ante o Celta. Aínda así, gran clasificación, á que se lle engade, o trofeo recibido por Antía Gómez, mellor xogadora do torneo.
Peor sorte correu o Alevín A, quen no Torneo UIla Pontecesures non puido superar a fase de grupos. Os mozos santiagueses perderon os seus tres partidos da liguiña ante o Pavillón de Ourense, o Conxo e o Santa Mariña. Do mesmo xeito, o Alevín B caeu nos grupos do Torneo de San Mamede.
Ao igual que os alevíns, o Benxamín tamén quedou apeado na fase de grupos, no seu caso, ao igual que o A, no Torneo Ulla Pontecesures. Os nenos santiagueses empataron 1-1 contra o Santiago, 2-2 ante o Carlita e perderon 2-0 có Villagarcía, quedando eliminados.
