-
A figura do coordinador divídese en dous, un para f-11 e outro para f-8
-
O outro responsable será algún ex-xogador do Compos
Santiago de Compostela, a 13 de junio de 2017.
Cambio de sistema na canteira da SD Compostela. Juan Vicente Cameán ‘Juanvi’ deixará de ser o coordinador do fútbol base do Compos, posición que se dividirá para o próximo ano en dous.
Para este novo curso que empeza, ademais do director da canteira, Javier Bellido, existirán as figuras de dous coordinadores, un de fútbol 11 e outro de fútbol 8. Nelas, terán un papel moi importante ex-xogadores da nosa entidade.
Así, o club confirma que para a xestión dos equipos que xogan ao fútbol 11, a persoa encargada de levala será David Rey Ameijenda, quen se acaba de retirar esta tempada enfundando a elástica branquiazul; mentres que segue buscando á persoa encargada de coordinar as categorías de fútbol 8.
Deste xeito, o Compos dá un salto na xestión da base, buscando mellorar o seu rendemento deportivo, á vez que segue achegando uns valores educativos aos mozos. Demóstrase que a entidade quere impulsar a súa canteira, xa que sabe que nos seus éxitos de futuro terán especial valor os nenos que saian das súas categorías inferiores.
Por último, o club quere agradecer a Juanvi o enorme traballo realizado durante estes dous últimos anos, nos que ademais de coordinar, tamén se encargou de dirixir a algún equipo.
