-
Malia o desexo do club, unha oferta laboral impide a súa continuidade no equipo.
Santiago de Compostela, a 13 de junio de 2017.
O dianteiro santiagués David Nogueira Martínez non seguirá na SD Compostela. O xogador santiagués contaba cunha oferta do club, xa que o desexo de todos era que seguise no equipo, pero, a pesar diso, unha oferta laboral impedirá que os camiños de Nogueira e o Compos sigan ligados.
O novo traballo do xogador local é incompatible co horario de adestramentos do equipo santiagués, polo que non poderá continuar na entidade.
Tanto a directiva como o corpo técnico lamenta profundamente a baixa de Nogueira, non só pola perda deportiva, que tamén, senón por todo o que achegaba no persoal. Un loitador e un gran xogador de equipo ao que botaremos de menos.
Nesta segunda etapa na entidade, o dianteiro pechou o ano con 35 partidos xogados, 16 deles de titular, nos que puido anotar seis goles, pero tamén participar noutros tantos anotados polos seus compañeiros. Ademais, achegou un gran traballo, tanto saíndo de inicio, como cando o fixo desde o banco. En todos eses encontros actuou tanto de referencia, como en banda, demostrando a polivalencia que posúe.
Por último, o club quere desexarlle a maior das sortes a David para o seu futuro futbolístico e lembrarlle que as portas da SD Compostela sempre estarán abertas para el. Grazas David.
