-
A baixa de Juanvi como coordinador levouno a tomar esta decisión.
-
Manuel Castiñeiras será agora o único director deportivo do club.
Santiago de Compostela, a 16 de Xuño de 2017.
Javier Bellido deixa o cargo de director da canteira. Ante a baixa de Juan Vicente Cameán, ‘Juanvi’, como coordinador da base, persoa que consideraba da súa confianza, decidiu renunciar ao posto.
Despois desta renuncia, a directiva do Compos decidiu que Manuel Castiñeiras se converta no único director deportivo do club, á vez que ratifica a David Rey no posto de coordinador da sección de fútbol 11.
A directiva quere destacar tamén que manterá o seu compromiso inicial de dar un salto cualitativo nas súas categorías inferiores, tal e como explicou na primeira rolda de prensa do ano, o presidente Antonio Quinteiro. O club sabe da importancia das categorías inferiores no futuro e, por iso, tentará lograr o seu máximo rendemento, á vez que lles seguirá transmitindo uns valores sociais positivos, para formalos, primeiro, como persoas, e despois, como futbolistas.
