-
O Alevín B entra en escea enfrontándose ao Santiago, o sábado ás 12.30 horas en Santa Isabel.
-
O Xuvenil Nacional quere repetir triunfo en Cancelas contra o Coruxo, o domingo ás 12.00 horas
Santiago de Compostela, a 5 de Outubro de 2017.
O domingo será a xornada da SD Compostela. Ao encontro do primeiro equipo, hai que sumarlle outros cinco partidos dos equipos da base, nunha xornada na que se estrea en competición o Alevín B. Todos os conxuntos branquiazuis queren gañar para achegarse aos seus obxectivos.
O Zona Vella, equipo filial, xogará o domingo ás 16.30 horas no campo de Santa Isabel ante o Cogalrodeiro, nun encontro no que tentarán sumar por cuarta semana consecutiva.
O Xuvenil de Nacional, logo de acadar a primeira vitoria a semana pasada, quere repetir éxito e para iso terá que superar ao sempre complicado Coruxo, nun partido que se xogará no campo das Cancelas o domingo ás 12.00 horas.
Tamén nas Cancelas xogará o seu duelo o Xuvenil B, neste caso ante o Escola Estrada, oitavo clasificado con oito puntos, o sábado ás 16.00 horas.
Outro conxunto que participará o domingo será o Cadete, que se enfrontará ao Milladoiro, coma visitante, ás doce da mañá.
O sábado ás 10.30 horas en Lalín será a quenda do Infantil A, ante o equipo local, buscando recuperar o sorriso. Pola súa banda, o Infantil B xogará o domingo ás 10.00 horas en Santa Isabel contra o Bertamiráns, nun partido no que quere sumar a súa segunda vitoria en outros tantos partidos.
En canto aos alevíns, o equipo A xogará o domingo ás 13.15 horas no campo do Sergas, como visitante, ante o Escola Deportiva Santiago. Mentres, o equipo B, que se estrea na Liga, enfrontarase ao Santiago, como visitante, o sábado ás 12.30 horas en Santa Isabel.
Por último, o Benxamín xogará na casa do Villestro, o sábado ás 13.00 horas, no seu segundo encontro de Liga.
