Santiago de Compostela, a 3 de Novembro de 2017.
Coa firme intención de manter, ou mesmo mellorar, os bos resultados cultivados o fin de semana pasado, as categorías inferiores da SD Compostela encaran unha prometedora xornada.
O primeiro deles, o xuvenil de Liga Nacional, con todo, quere reverter a súa dinámica, xa que leva varias xornadas sen puntuar. Con todo, a tarefa non será nada sinxela, xa que se enfrontan ao Porriño Industrial. O partido xogarase o sábado ás 12.15 horas no campo do Lourambal.
O domingo será a quenda para o Xuvenil B, que buscarán repetir a vitoria desta xornada pasada. Xogarán en casa, aínda que o opoñente, o Xuventude Oroso, marcha cuarto, polo que será un duro enfrontamento. Disputarase ás 13.00 horas nas Cancelas.
O equipo Cadete é outro que quere reverter a súa situación e así dedicarlle o triunfo a Pablo Barreiro, xogador que se lesionou ante o Amio. Enfrontaranse tamén ao Oroso, aínda que de visitantes. O Liño Balado de Sigüeiro acollerá a cita o domingo ás 11.00 horas.
En categoría infantil, o equipo para xogará o domingo nas Cancelas, 9.30 horas, contra o Bertamiráns, mentres que o B quere manterse na parte alta da táboa e para iso tentará vencer ao Vista Alegre, o sábado ás 10.00 horas na Mercé.
En canto aos alevíns, o A e o B xogarán en Santa Isabel o sábado. O primeiro ás 9.30 horas contra o Atlético Fátima e o B, segundo clasificado na súa Liga, contra o Vista Alegre ás 10.30 horas.
Por último, o Benxamín quere sumar o seu primeiro punto na clasificación e para iso medirase ao La Salle, o sábado ás 18.30 horas nas Cancelas.
