Santiago de Compostela, a 6 de Novembro de 2017.
Martiño Noriega, alcalde de Santiago de Compostela, recibiu esta mañá no Pazo de Raxoi a unha pequena representación da Sociedade Deportiva Compostela, composta polo seu presidente, Antonio Quinteiro, e o responsable das relacións institucionais, Ramón Castro. Na reunión tamén estivo presente a concelleira de deportes, Noa Morales.
Os compromisarios santiagueses quixeron agradecerlle nesta visita a cesión das instalacións por parte do concello, con especial importancia para o Estadio de San Lázaro e o campo de San Lázaro II.
Ademais, os dirixentes branquiazuis falaron sobre a importancia de que o plantel estea composto por xogadores que teñen unha media de idade menor aos 23 anos, unha circunstancia que favorece tamén á cidade. Moitos deles son, ao mesmo tempo, estudantes na Universidade de Santiago de Compostela.
Por último, Antonio e Ramón convidaron ao señor alcalde a que asista a algún encontro disputado en San Lázaro, deleitándose co xogo do actual líder da categoría.
