-
Os prezos oscilan entre os 180 euros do Palco Vip e os 25 dos menores de 12 a 17 anos.
Santiago de Compostela, ao 28 de novembro de 2017
A Sociedade Deportiva Compostela dará comezo mañá á campaña de abonados para a segunda volta da Tempada 2017/18. Todos aqueles que así o desexen poderán facerse socios do Compos para esta segunda metade de campaña a uns prezos reducidos.
Resumo de prezos:
Palco Vip: 180 euros
Tribuna: 60 euros
Xubilados, parados de longa duración e estudantes da USC: 50 euros
Menores de 12 a 17 anos: 25 euros
Menores de 12: Gratis
A nova campaña iniciarase mañá ás 10.00 horas, momento no que abren as oficinas do club no Estadio de San Lázaro. Nesta ocasión, o abono só se poderá realizar de maneira presencial nas propias oficinas do club, de luns a venres no seu horario habitual.
Doutra banda, este prezo só inclúe os partidos que o equipo disputará en San Lázaro pertencentes ao campionato de liga do Grupo 1 da Terceira División. En caso de darse de alta esta semana, xa se poderá entrar co carné no encontro contra o CD Arenteiro deste domingo ás 17.00 horas.
