- Sete dos encontros disputaranse na mañá do sábado e do domingo.
Santiago de Compostela, a 30 de Novembro de 2017.
As categorías inferiores da SD Compostela xogarán esta fin de semana unha xornada na que terán que madrugar para disputar os seus encontros. Tan so o Xuvenil Nacional, na súa visita ao Baltasar Pujales, arrincará o seu encontro pasado o mediodía.
Estes primeiros, despois de dúas vitorias consecutivas queren seguir coa boa dinámica e para iso tentarán sumar na súa visita a Vigo. O encontro contra o Rápido de Bouzas, o sábado, comezará ás 17.00 horas.
Pola súa banda, o Xuvenil B xogará o domingo contra o Atlético Fátima, ás 12.00 horas, no Municipal de Cancelas.
Nunha categoría inferior, os branquiazuis xogará tamén o domingo, pero ás 10.00 horas e no campo de A Merced. O seu rival, o equipo local, o CD Conxo.
En infantís, o A xoga no Municipal do Sergas contra o Escola Estrada o sábado ás 12.00 horas, mentres que o B intentará acadar tres novos puntos contra o Amio, o domingo ás 10.00 horas no mesmo terreo de xogo.
No que respecta aos alevíns, o A e o B xogarán en Santa Isabel. O primeiro farao contra o Santiago ás 9.30 horas e o segundo ás 11.30 horas contra o Amio. Pola súa banda, o Benxamín xogará á mesma hora que o Alevín B, pero no Municipal de Cancelas.
