Santiago de Compostela, a 4 de Decembro de 2017.
Os dous equipos xuvenís da SD Compostela puxeron a nota positiva a unha fin de semana na que tan só houbo unha vitoria. Ambos os equipos ampliaron así a súa boa xeira de resultados, coa que un segue escapando do descenso, mentres que o outro se aproxima aos postos de fase de ascenso.
En primeiro lugar, o filial encaixou a súa segunda derrota consecutiva despois de que caese derrotado en casa por 1-3 contra o Atlético Pino. O Zona Vella conseguiu recortar diferenzas no segundo tempo co tanto de Mateo García, pero os visitantes conseguiron anotar o terceiro na seguinte xogada e iso sentenciou o encontro.
O Nacional sumou un novo punto na súa visita ao Baltasar Pujales, nun partido no que foi superior ao seu rival, pero que non foi capaz de igualar ata os últimos minutos cun tanto de Yago Torrente. Co empate, o equipo branquiazul suma 7 puntos de 9 posibles.
Pola súa banda, o Xuvenil B venceu na casa contra o Atlético Fátima, achegándose aos postos de playoff. Marcos Andrade e Raúl García de penalti deixaron sentenciado un encontro no que o Fátima recortou diferenzas no tramo final.
En categoría cadete, o equipo sufriu outra derrota, esta vez contra o Conxo por 2-0. Os tantos chegaron no segundo tempo do encontro.
En infantís, o A perdeu contra o Escola Estrada por 0-3 e segue no décimo terceiro lugar da clasificación. Mentres, o B empatou a tres contra o Amio e segue quinto. Dous goles encaixados no últimos dez minutos impediron que os nosos sumarán os tres puntos.
Peor sorte tiveron os alevíns, xa que ambos perderon os seus encontros. O A saíu goleado no seu partido contra o líder, o Santiago, e o B, que con todo segue segundo, perdeu 1-4 contra o Amio. Por último, o Benxamín tamén perdeu por goleada ante o Conxo.
