-
As botellas, personalizadas coas cores do club, pódense pedir nos establecementos de hostalería de Santiago.
-
Con esta iniciativa, Mahou mostra o seu apoio ao fútbol e á afección compostelá.
Santiago, a 27 de decembro de 2017.
A primeira volta da competición de Liga concluíu co Compostela ocupando o primeiro posto da clasificación na Terceira galega. Neste parón do Nadal, Mahou envórcase coa afección compostelanista lanzando ao mercado unha edición especial e limitada de botellas personalizadas co escudo e as cores do equipo da capital de Galicia, do que é patrocinador.
Esta mañá, o xardín da “Horta do Obradoiro” acolleu a presentación das mesmas ante os medios. No acto, estiveron presentes Rubén Vázquez, xestor de Mahou en Santiago, Javier Puñal, director de márketing do club, Mon Vives, capitán do equipo e Manu Castiñeiras, director deportivo da SD Compostela.
As botellas, nas que figura o lema “Compostelanízate!” e unha representación do escudo e o estadio, poderanse conseguir en distintos establecementos de hostalería da comarca de Santiago polo prezo habitual dunha Mahou Cinco Estrelas. Distribuiranse, en total, unhas 12.000 unidades, que estarán a disposición dos consumidores ata fin de existencias.
Mahou sempre estivo preto dos afeccionados ao fútbol e con esta iniciativa quere mostrar, ademais, o seu compromiso coa SD Compostela, club do que é patrocinador oficial.
Sobre Mahou
Mahou é unha familia de cervexas nada na rúa Amaniel de Madrid en 1890. É o resultado do traballo de pioneiros e mestres cervexeiros que, desde hai máis de 125 ans, buscan compartir sabores e novas experiencias.
Mahou desenvolve a cultura cervexeira baseándose en rigorosos procesos de calidade e nos mellores ingredientes para dar aos seus produtos un sabor inconfundible.
A experiencia, a paixón e a calidade converteron a Mahou nunha gran familia de cervexas cun amplo portafolio de marcas como Clásica, Cinco Estrelas, Sen, Mestra, Barrica, Casimiro Mahou, Sen Glute, Limón…
