Un sábado con ton branquiazul

18 de Xaneiro de 2018
  • O primeiro equipo e seis conxuntos da canteira xogarán durante o día 20.

Santiago de Compostela, ao 17 de xaneiro de 2018.

Este sábado será un día moi importante para a SD Compostela. Ademais do partido do primeiro equipo, outros seis equipos das categorías inferiores xogarán os seus respectivos encontros das súas competicións ligueiras. A excepción do partido do Alevín A, o resto disputaranse pola tarde.

O Xuvenil de Liga Nacional, tras perder a semana pasada a súa gran xeira de resultados, quere volver á senda do triunfo para afianzarse na metade alta da táboa. Para iso terá que superar ao Arosa SC, na dura visita a Vilagarcía. O campo Manuel Jiménez acollerá a partir das 16.00 horas o duelo entre estes dous grandes equipos.

Buscando tamén reverter o resultado da xornada pasada, o Xuvenil B medirase ao EF Lalín no Municipal de As Cancelas. O sábado ás 16.00 horas os branquiazuis saltarán ao campo branquiazul para lograr tres novos puntos.

En canto ao equipo cadete, os santiagueses renderán visita o domingo ao Bertamiráns CF, sétimo clasificado. Os nosos tentarán reducir a diferenza de puntos que hai entre ambos gañando un partido que se disputará ás 12.45 horas no Municipal de Bertamiráns.

Os catros conxuntos triunfadores da fin de semana pasada, ambos infantís e ambos alevíns, queren outros dous dobretes e para iso terán que mostrar a súa mellor cara ante duros rivais.

O Infantil A xogará o domingo ás 10.15 horas no Municipal de Santa Isabel contra o Santiago, rival que o precede na táboa e que lle quita tan só tres puntos. O Infantil B, do mesmo xeito que o Cadete, xogará contra o Bertamiráns, no Municipal de Bertamiráns, aínda que neste caso o sábado ás 16.00 horas. Mediranse o quinto clasificado contra o terceiro.

Xa en alevíns, o A xogará a segunda xornada do playoff de descenso contra outro conxunto que tamén gañou o primeiro partido, o Atlético Fátima. O duelo producirase o sábado ás 12.00 horas no Municipal de As Cancelas. Pola súa banda, o Alevín B medirase ao Santiago, o sábado ás 14.00 horas no Municipal de Santa Isabel. Neste caso enfrontaranse o segundo contra o terceiro, separados ambos por tan só un punto.

Por último, o Benxamín quere sumar o seu primeiro triunfo no playoff de descenso e para iso xogará contra o CD Conxo, nun encontro que terá lugar o sábado ás 17.00 horas na Barrosa, Villestro.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

3 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

7 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

All contents © copyright SD Compostela. All rights reserved.