Unha das saídas máis complicadas do campionato

2 de Febreiro de 2018

[cs_video column_size=”1/1″ video_url=”https://youtu.be/b-eM6KnY6zg” video_width=”500″ video_height=”250″][/cs_video]

  • O Compos visita a un CD Boiro que se reforzou con cinco fichaxes neste mercado invernal.

  • Yago Iglesias destaca a importancia de estar moi concentrados durante todo o partido eno Municipal de Barraña.

Santiago de Compostela, ao 2 de febreiro de 2018.

Na semana na que se pechou o mercado invernal, o Compos medirase ao conxunto da Terceira División que máis cambios realizou. Cinco fichaxes nestes días converten ao CD Boiro nun rival aínda máis complicado respecto da primeira volta, na que conseguiron superar aos nosos por 0-3 en San Lázaro.

Esta vez, no Municipal de Barraña, os branquiazuis queren tentar reverter ese resultado, seguindo coa boa dinámica que teñen ata a data e que lles permitiu liderar a clasificación.

“Imos seguir o guión, traballando sempre en base á nosa maneira de xogar, para que o equipo saiba o que ten que facer, que estean cómodos, que se xeren sinerxias no campo e que todos saiban as características do xogador que está ao seu lado”, analizou un Yago Iglesias que regresará ao banco tras dous partidos de sanción.

O corpo técnico e os xogadores saben que se enfrontan a un rival con “un potencial enorme, con xogadores contrastados en categoría superior e que calquera che diría que home por home son os mellores da categoría”. Estas circunstancias obrigarán aos branquiazuis para “estar moi concentrados durante os 95 minutos, ao 200%”, apuntou o técnico, aínda que remarcou que “para estar onde queremos, hai que ir a todos os campos e por iso temos moita ilusión de que chegue o encontro, denominado desde fóra como o partidazo da xornada”.

A pesar das turbulencias que semella sufrir o CD Boiro, Yago non se fía xa que “os xogadores son orgullosos e nestes partidos todos queren destacar e sobresaír para demostrar a súa valía ante o seu público”. Entre eses futbolistas non poderá estar o sancionado Igor, pero quizais si os novos, sendo isto unha incógnita. “Non sabemos que once van sacar, se os cinco fichaxes van ser da partida ou se non”, explicou o adestrador, pero si que comentou que “os xogadores que están desde o inicio adaptáronse a unha maneira de xogar e, a pesar dos cambios, seguirán na mesma liña, cun fútbol combinativo, con xente por dentro de moita calidade como Pillado ou Remeserio, pero verticais, buscando a xente rápida de arriba como Miki, Cano ou Herbert”.

Contra os xogadores que se teñan que medir, o Compos sairá ao Municipal de Barraña a por todas. Saben que a fazaña é complicada, pero coa calor do público que se achegue desde Santiago tentarán superar un novo reto, nunha das saídas máis complicadas do campionato, e achegarse así, un pouco máis, ao noso soño.

CONVOCATORIA

Lorenzo, Lucas; Saro, Cardeñosa, David Uña, Álvaro Casas, Naveira; Mon, Samu, Tomás, Álex Ares, Diego Rey, Róber; Sobrido, Santi e Primo.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
🙌 UN DOS NOSOS 🩵🤍💪 Samu Rodríguez renova ata 2026👉 O capitán e #JugadorCincoEstrellas desta tempada chegará ás 10 tempadas como branquiazul Samuel Rodriguez Noya 🩵🤍✍️ sdcompostela.com/2024/05/23/un-puntal-para-el-compos-samu-rodriguez-dos-anos-mas-de-blanquiazul/#samu2026 ... See MoreSee Less
Ver en Facebook

5 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

5 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

All contents © copyright SD Compostela. All rights reserved.