Santiago de Compostela, a 8 de Febreiro de 2018.
A xornada da fin de semana para as categorías inferiores da SD Compostela verase reducida pola celebración do entroido. O Infantil B, os dous alevíns e o benxamín non terán xornada competitiva estes días, regresando á faena a semana próxima.
En primeiro lugar, o xuvenil de Liga Nacional quere pasar do empate á vitoria, tras tres encontros dun punto consecutivos, e para iso viaxarán ao campo de Fragoselo o domingo ás 12.00 horas. Enfrontaranse ao Coruxo FC, un conxunto ao que xa lle gañaron na primeira volta.
Pola súa banda, o xuvenil B irá ao campo de San Martiño, o sábado ás 16.15 horas para medirse ao Escola Estrada, nun novo encontro co que tentarán mellorar nunha clasificación moi igualada.
O Cadete quere saír da súa mala dinámica e con este obxectivo entre cella e cella enfrontaranse ao Milladoiro SD, o domingo ás 11.30 horas no Municipal de As Cancelas.
Por último, o Infantil A pechará a cota de partidos da xornada enfrontándose ao EF Lalín, líder destacado da categoría, o sábado ás 12.15 horas no Municipal do Sergas.
