Duelo estelar no fortín de San Lázaro

16 de Febreiro de 2018

[cs_video column_size=”1/1″ video_url=”https://youtu.be/eP3S4351gPk” video_width=”500″ video_height=”250″][/cs_video]

  • Separados por seis puntos, o domingo ás 17.00 horas enfrontaranse o primeiro contra o segundo.

  • Yago Iglesias confía nos seus xogadores para superar este gran reto.

Santiago de Compostela, a 16 de Febreiro de 2018.

San Lázaro volverá ruxir este domingo como nos seus mellores tempos. Os afeccionados branquiazuis vivirán de novo un duelo ao grande, unha loita de titáns. Gozará do partidazo da xornada, o encontro que medirá ao primeiro clasificado, a SD Compostela, contra o segundo, o Bergantiños CF, ambos separados por tan só seis puntos na táboa.

Tras unha primeira volta na que o Compos asaltou o campo de As Eiroas, os nosos tentarán repetir unha fazaña similar, de modo que ampliarían a súa vantaxe co seu inmediato perseguidor e certificarían un novo récord histórico de vitorias consecutivas.

“Esta fin de semana ten un acicate especial, co partido da xornada, o primeiro contra o segundo e aínda por encima en San Lázaro. Aposto sempre polo meu equipo para levar a vitoria, sen dúbida”, sentenciou Yago Iglesias en rolda de prensa.

O técnico branquiazul resaltou que “sairemos a gañar, como sempre, como o levamos demostrando nestas dez últimas xornadas”. Ademais, teñen claro que o Compos é un equipo que non especula, xa que “temos claro o que queremos, non esperamos a ver o que fai o rival e a partir de aí levamos a nosa idea de xogo”. Iso si, o adestrador explicou que debido á entidade do rival do domingo, non modificarán nada, pero si que “teremos en conta algúns aspectos nosos e deles para expor o partido”.

Sabe Yago que o Bergantiños CF é un conxunto “cun enorme potencial futbolístico, cuxo obxectivo desde o comezo era quedar si ou si no primeiro posto”, citou. Por tanto, a pesar de comentar que poñerse con vantaxe no marcador sería de gran axuda, esta circunstancia non sería definitiva “porque os dous equipos mantemos un nivel de activación alto durante os 90 minutos”. O técnico espera “un encontro longo, de ida e volta, con dous conxuntos que teñen as ideas claras de como conseguir os puntos”.

Ante calquera resultado, os branquiazuis teñen unha mentalidade cortoplacista, polo que, “aínda que a clasificación dános unha lixeira vantaxe, non pensaremos máis aló. É un partido moi importante, porque dariamos un gran paso de gañar, pero non decisivo”, remarcou Yago.

Por último, o adestrador marcou a posición, a pouca diferenza e os nomes dos xogadores, como alicientes para que o público veña ao partido. “Deixarémolo todo para que a xente que veña a San Lázaro, que espero que sexa moita, goce dun gran duelo e que se vaia contenta co que fai o equipo”, argumentou. Suando ata o último segundo, os nosos esperan superar este gran reto. Co apoio do xogador número 12, tentarán alcanzar unha nova vitoria.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

2 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.