O Compos volve triunfar lonxe de San Lázaro para selar o playoff

15 de Abril de 2018
Momento do golpeo de Álex Ares no segundo tanto. Foto: Amadeo Rey.
Momento do golpeo de Álex Ares no segundo tanto. Foto: Amadeo Rey.
  • Os branquiazuis levaron a vitoria por 1-3 tras remontar na segunda metade.
  • Os nosos manteñen a vantaxe co Bergantiños e aseguraron o playoff.

Santiago de Compostela, a 15 de Abril de 2018.

Primeiro obxectivo da tempada que cumpre o Compos. No San Lázaro de Noia, os nosos volveron á senda do triunfo de visitantes, superando a un combativo Noia por 1-3. Con estes tres puntos, e polos resultados do resto da xornada, a SD Compostela asegurou a súa presenza no playoff.

O gol de Samu e o dobrete de Álex Ares na segunda metade serviron para remontar o tanto inicial de Stefan para os locais e certificar así un novo triunfo, tras tres partidos sen gañar lonxe de Santiago.

O partido en Noia comezou como se prevía, cun Compos, no que destacou a presenza de Alberto no once titular, que levaba o dominio do partido coa posesión e os locais que tentaba saír á contra.

Así, os primeiros 45 minutos transcorreron con moito fútbol de control e poucos achegamentos, destacando unicamente un dobre tiro de Primo e Álex Ares que detivo Pajarillo.

Con todo, á volta dos vestiarios  o partido cambiou por completo, en parte tamén polo tanto local. Aos dous minutos da continuación, Stefan aproveitaba unha xogada embarullada para superar a Lucas e poñer por diante ao equipo local.

Esta acción espoleou aos nosos, sabedores de que o resultado non reflectía o visto no terreo de xogo. A base de insistencia chegarían as ocasións, moi claras, e á terceira delas acabaría entrando a pelota.

Primeiro, Primo non foi capaz de superar a Pajarillo no man a man, tras aproveitar unha mala cesión da defensa. Despois, tras unha acción pola dereita, Rober rematou á cruceta e o rexeite caeu a Santi que a empuxou de cabeza, pero un defensa salvouna na liña. E por último, o tanto acabaría entrando nunha falta desde a frontal botada á perfección por Samu, quen a cravou na escuadra do segundo pau. Era o seu segundo tanto da tempada, segundo consecutivo en xornadas de visitante, e o empate no luminoso.

O tanto da igualada non freou a un Compos famento que quería máis premio. De novo Pajarillo sacaba a relucir os seus reflexos noutro man a man contra Primo, pero xa non puido facer nada cando lle encarou Álex Ares no 84.

Alberto, como improvisado carril esquerdo, cedía ao centro para Primo, o cántabro en modo asistente abría para Álex Ares e o mediapunta, tras regatear ao seu par cravábaa ao fondo da rede coa súa perna dereita.

Este tanto acabou de romper o partido e ante un Noia envorcado, o Compos aproveitaría para selar o triunfo co terceiro gol. Unha contra rápida na que unha parede entre Álex Ares e Primo, outra vez asistente, deixaba só ao primeiro e leste, coa esquerda, non perdoou diante do porteiro. Era a sentenza.

Coa alegría da remontada o Compos pechaba o partido e así, equipo e afección, a cal acudiu en masa a Noia, fóronse para Santiago coa alegría do traballo ben realizado. Queda unha xornada menos e os nosos manteñen a vantaxe no alto da táboa. A semana próxima tocará defender o fortín de San Lázaro contra o Ourense CF.

FICHA TÉCNICA:

1- Noia CF: Pajarillo; Rubén, Juanjo, Rendo, Dani Conde; Bendaña, John; Ferreiro, Nando (Pablo, m.81), Piñeiro (Canabal, m.50); e Stefan. 

3- SD Compostela: Lucas; Saro, Cardeñosa, Álvaro Casas, Naveira (Sobrido, m.66); Samu, Tomás (Santi, m.54); Álex Ares, Alberto (Mon, m.84), Róber; e Primo.

Goles: 1-0: Stefan, min.47; 1-1: Samu, min.66; 1-2: Álex Ares, min.83; 1-3: Álex Ares, min.90.

Árbitro: Vidal Álvarez, colegio pontevedrés. Amonestó a John, Stefan y Nando, polos locais; e a Naveira, Samu e Lucas, polos visitantes.

Incidencias: Partido da trixésimo terceira xornada de liga da Terceira División disputado no campo de San Lázaro de Noia ante 600 espectadores. Gran presencia de afeccionados santiagueses.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

1 day ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

3 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

3 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

4 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.