[cs_video column_size=”1/1″ video_url=”https://youtu.be/zYAE24CQCiw” video_width=”500″ video_height=”250″][/cs_video]
-
Diego Rey, Naveira e Samu serán baixa por sanción para o partido do domingo.
-
O partido da primeira volta acabou con empate a un tanto.
Santiago de Compostela, ao 20 de abril de 2018.
A SD Compostela tras a súa vitoria por 1-3 ante o Noia conseguiu o seu primeiro obxectivo da tempada, asegurar o playoff de ascenso. Por iso, a ambición do grupo non queda aquí e o seguinte paso é tentar quedar de primeiros. A tarefa non será nada sinxela e para alcanzala o equipo terá que superar a grandes rivais, o primeiro o Ourense CF, este domingo ás 12.00 horas en San Lázaro.
O conxunto ourensán, coa salvación certificada, é un dos que mellores resultados cultivou contra rivais da parte alta, como o empate no Couto contra os nosos. Así, a meta dos branquiazuis no duelo dominical será mellorar ese resultado.
Yago Iglesias, tal como explicou en roda prensa, non poderá contar con tres dos seus referentes: Diego Rey, por lesión, e Samu e Naveira, por sanción. Este último caso ven provocado por algo que considera inxusto, xa que “non somos un conxunto duro, nin moito menos, e por criticar estas decisións chegoume a expulsión hai 15 días”.
As circunstancias provocarán que o técnico teña que tirar de rotacións, sobre todo no lateral esquerdo, onde utilizará a Sergio ou a Mon. Con todo, o adestrador avisou que de aquí ao final de liga todos serán moi importantes. “Teremos catro partidos en dúas semanas e temos que xestionar iso. Alcanzamos unha segunda etapa de maio e será importantísimo que todo o mundo chegue ben de pernas e cabeza, polo que van a xogar todos, coa meta clara de quedar na posición na que estamos”, analizou o técnico ribeirense.
Para lograr ese obxectivo, o primeiro paso será superar ao Ourense, un conxunto que “ten a salvación asegurada, o que lle quita presión, virán gozar e iso sempre saca as mellores versións dos equipos, máis aínda neste campo e coa tele emitindo o partido”, comentou Yago. Deste cadro visitante o adestrador destacou que son “moi duros e contan con xogadores con moita experiencia na categoría e mesmo nalgunha máis”.
Por esta razón, o corpo técnico espera ver a mellor cara do seu Compos, “dinámico, que sae metido e que marca nos primeiros minutos, demostrando esa fame por lograr o seguinte obxectivo”, argumentou.
Con este reto en mente, os branquiazuis queren restar unha semana máis ao calendario sumando de tres. Co apoio da nosa afección e a súa mellor cara no xogo, o obxectivo estará máis preto.
