-
O biberón e o benxamín descansan esta xornada
Santiago de Compostela, a 26 de Abril de 2018.
As ligas van terminando e os equipos das categorías inferiores da SD Compostela teñen cada vez menos encontros. Se a isto súmaslle que dous deles, biberón e benxamín, descansan este fin de semana, dá como resultado unha xornada curta na que tan só haberá cinco partidos, tres deles disputados como locais.
En primeiro lugar, o xuvenil de Liga Nacional ten unha final no derbi contra o Conxo, nun encontro que se xogará o domingo ás 12.00 horas no campo da Merced. Os nosos necesitan os tres puntos para saír da zona baixa e pensar na salvación.
Pola súa banda, o xuvenil B busca asegurar a súa posición na táboa e para iso tentará superar ao Noia, no Municipal de Santa Isabel, o sábado ás 20.00 horas.
O cadete, tras asegurar a salvación, ten unha difícil visita ao Atlético Fátima, nun duelo previsto para o domingo ás 11.00 horas no campo da Devesiña, en Recesende.
En infantís, o A xogará contra o Milladoiro, o sábado ás 16.00 horas na Merced, nun enfrontamento entre dous conxuntos da zona media da táboa.
Por último, o alevín A enfrontarase á SD Negreira, o domingo ás 13.00 horas en Santa Isabel, co obxectivo de manterse no máis alto do seu playoff, unha vez aseguráronse a permanencia na primeira categoría comarcal.
