Francisco Rodríguez Vílchez (Almería, 1978) é o actual adestrador do CD Lugo dende a súa incorporación ao inicio da pasada temporada. A pesar da súa xuventude, conta cunha importante experiencia no fútbol profesional, tanto a nivel futbolista como adestrador.
Aínda sendo xuvenil, a súa traxectoria como futbolista profesional comeza no Plus Ultra de Almería de 3ª División, sumando boas actuacións que o levan ao xuvenil do RCD Espanyol de Barcelona. Dende aí ficha polo Polideportivo Almería e, despois de dúas temporadas, chama a atención do Valencia, que o incorpora para ceder despois ao Polideportivo Ejido. Ficha pola UD Almería coa que acada o ascenso a 2ª División, antes de dar o salto ao Albacete de 1ª. Regresa de novo á UD Almería coa que logra un novo ascenso, neste caso a 1ª División. Xa na súa recta final é cedido ao Granada 74, incorpórase ao Alicante e, finalmente, colga as botas no Orihuela de Segunda B con 32 anos. Daquela xa adestraba ao filial do Almería, ao que estivo a punto de clasificar para a promoción de ascenso a 2ª. Ese mesmo ano foi nomeado técnico do primeiro equipo, sendo o adestrador máis novo da categoría, ao que dirixe temporada e media. A súa seguinte experiencia sería no UCAM de Murcia, no que permanece media temporada antes de firmar polo CD Lugo de Segunda División.
