Santiago de Compostela, a 1 de Xuño de 2018.
O domingo ás 18.00 horas, no Estadi Olímpic de Terrassa, os nosos xogadores estarán arroupados por unha pequena colonia de seguidores que animarán ao equipo nesta segunda eliminatoria do playoff de ascenso á Segunda División B.
Con todo, para todos aqueles que non poderán facer este longo desprazamento, o club quere brindarlles a posibilidade de unir as súas forzas na matinal do domingo fronte a un mesmo televisor. Así, en colaboración con Mahou, de novo, catro locais emitirán o encontro e realizarán promocións para os asistentes.
En Santiago, a alternativa é a Taberna de San Lázaro (San Lázaro 96). Mentres, os outros tres locais están situados en Bertamiráns: Tropik Bertamiráns (Rúa Rueiro 16), Don Budi (Avenida da Mahía 78) e De Noé (Praza de Chavián 3).
Nestes catro establecementos realizarase unha porra tanto para o descanso como para o final do partido. Todos os acertantes da porra ao descanso levarán a camiseta de “Peregrinando Cara Un Soño”, xentileza de Mahou. Pola súa banda, todos os acertantes da porra do resultado final recibirán gratuitamente unha botella de ⅓ de Mahou.
Con esta iniciativa, o club quere que os seguidores branquiazuis se poidan reunir e gozar dun pequeno detalle, mostra da fidelidade por estas cores.
